( لحــن الـوداع )

المساهمات : 114 تاريخ التسجيل : 16/06/2008

<----=

-------------------------------------------------------------------------------

جتني علـى الميعـاد تمشـي وتختـال
حسيـت فيهـا شـي بـس ماعرفتـه
قالـت سـلام ونشدتنـي عـن الحـال
حـر السـلام بقولـهـا ماهضمـتـه
تبسمـت وعيونهـا تـحـت تجـتـال
وكانـت تحاشـى نظرتـي لانظـرتـه
ماهي معي فـي راسهـا الـف مـوال
وزود شعـوري شـي فيهـا لمحـتـه
شفت الحزن بعيونهـا الـوان واشكـال
هي ماحكـت لـي شـي لكـن فهمتـه
وراحت وراح الوقـت وغيابهـا طـال
اسنين من عمـري مضـت وانتظرتـه
وانقطعت اخبـاره ولاشفـت مرسـال
مرت ثمـان اسنيـن مـن يـوم شفتـه
تبدلت مـن عقبهـا احـوال واحـوال
ومجلاسنـا ماتـت غصونـه ونبـتـه
عذبـت نفسـي بيـن الاقفـا والاقبـال
احفيت انا الاقـدام مـن شـي دستـه
ابشتكـي همـي علـى كبـر الاجبـال
ابكـشـف هـمـومٍ بقلـبـي كتمـتـه
ودي اصيح وارفـع الصـوت ولـوال
ياهـوه مـن عيـن حبـيـبٍ فقـدتـه
وعقب البطا وعقب المأسي والاهـوال
وعقـب القصيـد وكـل وجـدٍ كتبتـه
وعقب الدموع ومـوت فرحـه وآمـال
والانتظـار وحـر جـمـرٍ لمسـتـه
صادفتهـا وعرفتهـا مابـهـا جــدال
الـزول هـذا فـي خفوقـي رسمتـه
الزول هـذا غيـر عـن كـل الازوال
لـو ياضعونـه بيـن مليـون جبـتـه
ومن فرحتي عجزت لا امشي ولا احتال
نخيـت رجلـي والمشاعـر زهمـتـه
من لهفتي له مـدري اشقلـت وشقـال
بس اذكـر إنـي عـن غيابـة سألتـه
مـارد لـي دنـق تلـفـت ولاقــال
مـن ارتباكـة خـفـت رده وخفـتـه
عندي شعور بعلم ماهـو علـى البـال
عنـدي شعـور بفاجـعـه ماحسبـتـه
قالت تشـوف هنـاك مابيـن الاطفـال
يمكن عرفـت اللـي عنيـت وقصدتـه
أنـا تـرى هالحيـن أمـري لرجـال
والبنـت اللـي شفتهـا ذيــك بنـتـه
ضاقت علي لاشرق لاغـرب لاشمـال
ضاع الكـلام وضـاع دربـاً حفظتـه
شفت بعيونـي كيـف الافـراح تغتـال
مات الغـرام وحلمـي اللـي حلمتـه
ياضيعـتـي ماتنتـوصـف بالامـثـال
الحـب مـات وفـي يدينـي دفنـتـه
شمسي غفت ما ارخصت لـي بمقيـال
والليـل يدعينـي لممـشـى كرهـتـه
هـذه حكايـة واحـداً كـلـه هـبـال
عمـري غـدى علـى أمـل ماوجدتـه
واتلى جوابي ارفـع الصـووت يعيـال
ولحـن الـوداع اليـوم لجلـه عزفتـه
واتمنــى تكون اعجبتــكم
تحيــاتـــي،،

Admin المساهمات : 75 تاريخ التسجيل : 14/06/2008

أهنييك ع النقل الحلووو بجد قصييييييده رروعه صح لسان قايلها وتسلم يمين نااقلها
تقبلي مروري cat

المساهمات : 123 تاريخ التسجيل : 21/06/2008

يسلمووو ايدينك حبيبتي على الموضوع جوونااان afro

المساهمات : 114 تاريخ التسجيل : 16/06/2008

تسلمووووون يا الغالين على المرور